ಪಾಲನೆ ನ್ಯೂಸ್
ಚೆನ್ನೈ:ನಟ-ರಾಜಕಾರಣಿ ಜೋಸೆಫ್ ವಿಜಯ್ ಚಂದ್ರಶೇಖರ್ ನೇತೃತ್ವದ ತಮಿಳಗ ವೆಟ್ರಿ ಕಳಗಂ (ಟಿವಿಕೆ) ಪಕ್ಷವು 2026ರ ವಿಧಾನಸಭಾ ಚುನಾವಣೆಯಲ್ಲಿ ಭಾರೀ ಮುನ್ನಡೆ ಸಾಧಿಸಿದೆ. ಪ್ರಸ್ತುತ ಪ್ರವೃತ್ತಿಗಳ ಪ್ರಕಾರ, ಟಿವಿಕೆ ಪಕ್ಷವು ಸುಮಾರು 100ಕ್ಕೂ ಹೆಚ್ಚು ಸ್ಥಾನಗಳಲ್ಲಿ ಮುನ್ನಡೆ ಪಡೆದುಕೊಂಡು ಏಕೈಕ ಅತಿ ದೊಡ್ಡ ಪಕ್ಷವಾಗಿ ಹೊರಹೊಮ್ಮಿದೆ. ದಶಕಗಳಿಂದ ಡಿಎಂಕೆ ಮತ್ತು ಎಐಎಡಿಎಂಕೆ ಪಕ್ಷಗಳು ಆಳ್ವಿಕೆ ನಡೆಸುತ್ತಿದ್ದ ರಾಜ್ಯದಲ್ಲಿ ವಿಜಯ್ ಪ್ರವೇಶ ಆರಂಭದಲ್ಲಿ ಅನುಮಾನದಿಂದಲೇ ನೋಡಲಾಗಿತ್ತು.
ಆದರೆ ಎಕ್ಸಿಟ್ ಪೆಲ್ಗಳ ಬಳಿಕ ರಾಜಕೀಯ ಸಮೀಕರಣವೇ ಬದಲಾಗಿದ್ದು, ವಿಜಯ್ ಅವರ ಪ್ರಭಾವ ಎಲ್ಲರನ್ನೂ ಆಶ್ಚರ್ಯಚಕಿತಗೊಳಿಸಿದೆ. ಬಾಲನಟನಿಂದ ಸೂಪರ್ಸ್ಟಾರ್ವರೆಗೆ 1974ರ ಜೂನ್ 22ರಂದು ಚೆನ್ನೈನಲ್ಲಿ ಜನಿಸಿದ ವಿಜಯ್, ತಮ್ಮ ತಂದೆ ನಿರ್ದೇಶಕ ಎಸ್ಎ ಚಂದ್ರಶೇಖರ್ ಅವರ ಮಾರ್ಗದರ್ಶನದಲ್ಲಿ 1984ರಲ್ಲಿವೇಟ್ರಿ’ ಚಿತ್ರದ ಮೂಲಕ ಬಾಲನಟನಾಗಿ ಚಿತ್ರರಂಗ ಪ್ರವೇಶಿಸಿದರು. 1992ರಲ್ಲಿ ನಾಳೈಯ ತೀರ್ಪು' ಚಿತ್ರದ ಮೂಲಕ ನಾಯಕನಾಗಿ ಪರಿಚಯವಾದ ಅವರು,ಪೂವೇ ಉನಕ್ಕಾಗ’ ಚಿತ್ರದ ಮೂಲಕ ಭಾರೀ ಜನಪ್ರಿಯತೆ ಗಳಿಸಿದರು.
ಆರಂಭದಲ್ಲಿ ಕಡಿಮೆ ಸಂಭಾವನೆ ಪಡೆದಿದ್ದ ವಿಜಯ್, ಕ್ರಮೇಣ ತಮ್ಮ ಅಭಿಮಾನಿ ಬಳಗವನ್ನು ವಿಸ್ತರಿಸಿಕೊಂಡು ದಕ್ಷಿಣ ಭಾರತದ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟರಲ್ಲಿ ಒಬ್ಬರಾಗಿ ಹೊರಹೊಮ್ಮಿದರು. ಅವರ ಆಸ್ತಿ ಮೌಲ್ಯವು ಸುಮಾರು 600 ಕೋಟಿ ರೂಪಾಯಿ ಎಂದು ಅಂದಾಜಿಸಲಾಗಿದೆ.
ಸಿನೆಮಾದಲ್ಲಿ ಮ್ಯಾಸ್ಸ್ ಐಕಾನ್ ಲವ್ ಟುಡೇ',ತುಲ್ಲಾತ ಮನಮುಂ ತುಲ್ಲುಮ್’, ಕುಷಿ',ಗಿಲ್ಲಿ’ ಚಿತ್ರಗಳ ಮೂಲಕ ವಿಜಯ್ ಜನಮನ ಗೆದ್ದರು. ನಂತರ ತುಪ್ಪಾಕಿ',ಕತ್ತಿ’, ಮರ್ಸಲ್',ಮಾಸ್ಟರ್’, ಬೀಸ್ಟ್',ಲಿಯೋ’, ದಿ ಗ್ರೇಟೆಸ್ಟ್ ಆಫ್ ಆಲ್ ಟೈಮ್' ಚಿತ್ರಗಳ ಮೂಲಕ ಅವರು ಬಾಕ್ಸ್ಆಫೀಸ್ ಚಾಂಪಿಯನ್ ಆಗಿ ಖ್ಯಾತಿ ಪಡೆದರು. ರಾಜಕೀಯ ಪ್ರವೇಶ ಹೊಸ ಅಧ್ಯಾಯ ಸಿನೆಮಾ ಲೋಕದಾಚೆಗೂ ವಿಜಯ್ ಸಮಾಜಮುಖಿ ಕಾರ್ಯಗಳು, ಅಭಿಮಾನಿ ಬಳಗದ ಸಂಘಟನೆ ಹಾಗೂ ಸಾರ್ವಜನಿಕ ಸಂಪರ್ಕದ ಮೂಲಕ ತಮ್ಮದೇ ಆದ ಪ್ರಭಾವ ನಿರ್ಮಿಸಿಕೊಂಡಿದ್ದರು.
ಇದೀಗ ಅದೇ ಜನಪ್ರಿಯತೆ ರಾಜಕೀಯ ಶಕ್ತಿಯಾಗಿ ಪರಿವರ್ತನೆಯಾಗಿದ್ದು, ಟಿವಿಕೆ ಪಕ್ಷದ ಯಶಸ್ಸಿಗೆ ಪ್ರಮುಖ ಕಾರಣವಾಗಿದೆ. ರಾಜಕೀಯ ಪಯಣದಲ್ಲಿ ಆರಂಭದಲ್ಲಿ ಎದುರಿಸಿದ ಟೀಕೆ, ಕಾನೂನು ಅಡೆತಡೆಗಳನ್ನು ಮೀರಿ, ವಿಜಯ್ ತಮ್ಮದೇ ಆದ ನಾಯಕತ್ವವನ್ನು ಸಾಬೀತುಪಡಿಸಿದ್ದಾರೆ. ಇಂದಿನ ಪರಿಸ್ಥಿತಿಯಲ್ಲಿ ತಮಿಳುನಾಡಿನ ರಾಜಕೀಯದಲ್ಲಿಹೊಸ ಥಳಪತಿ’ ಎಂದು ಹೊರಹೊಮ್ಮಿದ್ದಾರೆ. ಒಟ್ಟಿನಲ್ಲಿ, ಸಿನೆಮಾದಲ್ಲಿ ಗಳಿಸಿದ ಜನಬೆಂಬಲವನ್ನು ರಾಜಕೀಯದಲ್ಲಿ ಮತಗಳಾಗಿ ಪರಿವರ್ತಿಸಿಕೊಂಡ ವಿಜಯ್, ತಮಿಳುನಾಡಿನ ರಾಜಕೀಯ ಸಮೀಕರಣವನ್ನು ಸಂಪೂರ್ಣವಾಗಿ ಬದಲಿಸುವ ದಿಕ್ಕಿನಲ್ಲಿ ಮುನ್ನಡೆಯುತ್ತಿದ್ದಾರೆ.
✅ ಪಾಲನೆ.ಇನ್ ವಾಟ್ಸ್ ಆ್ಯಪ್ ಗುಂಪಿಗೆ ಸೇರಿರಿ ನ್ಯೂಸ್ & ವ್ಯೂಸ್ ಓದಿರಿ. ಆಲೋಚಿಸಿ. ಸ್ಪಂದಿಸಿ.
https://chat.whatsapp.com/H1gUYgrzvnQGZAhIQSGMHn
